आयुधानामहं वज्रं... - विकिपीडिया

श्लोकः[सम्पादयतु]

अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन अयं लेखः संवर्ध्यताम् । (जनुवरि २०१४)

आयुधानामहं वज्रं धेनूनामस्मि कामधुक् ।

प्रजनश्चास्मि कन्दर्पः सर्पाणामस्मि वासुकिः ॥ २८ ॥

अयं भगवद्गीतायाः दशमोऽध्यायस्य विभूतियोगस्य अष्टाविंशतितमः (२८) श्लोकः ।

आयुधानाम् अहं वज्रं धेनूनाम् अस्मि कामधुक् प्रजनः च अस्मि कन्दर्पः सर्पाणाम् अस्मि वासुकिः ॥ २८ ॥

अहम् आयुधानां वज्रं धेनूनां कामधुक् प्रजनः कन्दर्पः सर्पाणां वासुकिः च अस्मि ।

आयुधानाम् = शस्त्राणाम्

वज्रम् = वज्रायुधम्

धेनूनाम् = गवाम्

कामधुक् = कामधेनुः

प्रजनः = अपत्योत्पत्तिहेतुः

कन्दर्पः = मन्मथः

सर्पाणाम् = विषसहितानाम् उरगाणाम्

वासुकिः च अस्मि = वासुकिनामकः अस्मि ।

शस्त्रेषु अहं दधीचेः अस्थ्ना निर्मितं वज्रायुधम् अस्मि । धेनुषु कामधेनुः अस्मि । जनयिता मन्मथः अपि अस्मि । सर्पविशेषेषु वासुकिनामकः सर्पराजः अस्मि ।