भक्त्या मामभिजानाति...
(१८.५५ भक्त्या मामभिजानाति इत्यस्मात् पुनर्निर्दिष्टम्)
श्लोकः[सम्पादयतु]
 | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- भक्त्या मामभिजानाति यावान्यश्चास्मि तत्त्वतः ।
- ततो मां तत्त्वतो ज्ञात्वा विशते तदनन्तरम् ॥ ५५ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य पञ्चपञ्चाशत्तमः(५५) श्लोकः ।
पदच्छेदः[सम्पादयतु]
भक्त्या माम् अभिजानाति यावान् यः च अस्मि तत्त्वतः ततः मां तत्त्वतः ज्ञात्वा विशते तदनन्तरम् ॥
अन्वयः[सम्पादयतु]
भक्त्या तत्त्वतः यावान् यः च अस्मि (तादृशं) माम् अभिजानाति ततः मां तत्त्वतः ज्ञात्वा तदनन्तरं विशते ।
शब्दार्थः[सम्पादयतु]
- भक्त्या = भक्तियोगेन
- तत्त्वतः = परमार्थतः
- यावान् = यादृशपरिमाणविशिष्टः
- यः च अस्मि = यादृक्स्वरूपविशिष्टः च अस्मि
- अभिजानाति = सम्यक् वेत्ति
- तत्त्वतः = वस्तुतः
- विशते = प्रविशति ।
अर्थः[सम्पादयतु]
सः भक्त्या प्रथमं सर्वत्र व्याप्तं सच्चिदानन्दस्वरूपं च मां जानाति ततः मामेव प्रविशति अर्थात् मय्येव लीनो भवति ।