गतिर्भर्ता प्रभुः साक्षी...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- गतिर्भर्ता प्रभुः साक्षी निवासः शरणं सुहृत् ।
- प्रभवः प्रलयः स्थानं निधानं बीजमव्ययम् ॥ १८ ॥
अयं भगवद्गीतायाः नवमोध्यायस्य राजविद्याराजगुह्ययोगस्य अष्टादशः(१८) श्लोकः ।
पदच्छेदः
[सम्पादयतु]गतिः भर्ता प्रभुः साक्षी निवासः शरणं सुहृत् प्रभवः प्रलयः स्थानं निधानं बीजम् अव्ययम् ॥ १८ ॥
अन्वयः
[सम्पादयतु](अहमेव) गतिः भर्ता प्रभुः साक्षी निवासः शरणं सुहृत् प्रभवः प्रलयः स्थानं निधानम् अव्ययं बीजम् ।
शब्दार्थः
[सम्पादयतु]- गतिः = अहमेव कर्मफलम्
- भर्ता = पोषणकर्ता
- प्रभुः = स्वामी
- साक्षी = शुभाशुभयोः द्रष्टा
- निवासः = गृहम्
- शरणम् = रक्षकः
- सुहृत् = सखा
- प्रभवः = उत्पत्तिहेतुः
- प्रलयः = प्रलयहेतुः
- स्थानम् = आधारः
- निधानम् = लयस्थानम्
- अव्ययम् = नाशरहितं च
- बीजम् = प्ररोहनिमित्तम् ।
अर्थः
[सम्पादयतु]अहमेव कर्मणां फलम्, पोषकः, स्वामी, शुभाशुभयोः द्रष्टा, वासस्थानम्, रक्षकः, हितकारी, उत्पत्तिस्थानम्, प्रलयकर्ता, आधारः, लयस्थानम्, नाशरहितं बीजं च अस्मि ।