अपाने जुह्वति प्राणं...

गीतोपदेशः

अपाने जुति प्राणं प्राणेऽपानं तथापरे ।

प्राणापानगती रुद्ध्वा प्राणायामपरायणाः ॥ २९ ॥

पदच्छेदः

अपाने, जुह्वति, प्राणं, प्राणे ,अपानं, तथा,अपरे प्राणापानगती रुद्ध्वा प्राणायामपरायणाः ॥ २९ ॥

अन्वयः

प्राणायामपरायणाः अपरे प्राणापानगती रुद्ध्वा प्राणम् अपाने जुति, तथा प्राणे अपानं जुह्वति ।

पदार्थः

प्राणायामपरायणाः = प्रणायामतत्पराः

अपरे = इतरे

प्राणापानगती = प्राणापानवायुगमने

रुद्ध्वा = निरुध्य (कुम्भकः)

प्राणम् = प्राणवायुम् (पूरकः)

अपाने = अपानवायौ

जुह्वति = समर्पयन्ति

तथा = एवम्

प्राणे = प्राणवायौ

अपानम् = अपानवायुम्

जुह्वति = समर्पयन्ति (रेचकः) ।

तात्पर्यम्

केचन प्राणायामपरायणाः योगिनः अपानवायौ प्राणवायुं समर्पयन्ति । इतरे प्राणवायौ अपानवायुं समर्पयन्ति । एवं कुम्भक-रेचक-पूरकादिक्रमेण प्राणायामं कुर्वन्तः आत्मसंयमनं कुर्वन्ति ।