जरामरणमोक्षाय...

गीतोपदेशः

जरामरणमोक्षाय मामाश्रित्य यतन्ति ये ।

ते ब्रह्म तद्विदुः कृत्स्नमध्यात्मं कर्म चाखिलम् ॥ २९ ॥

पदच्छेदः

जरामरणमोक्षाय माम् आश्रित्य यतन्ति ये ते ब्रह्म तत् विदुः कृत्स्नम् अध्यात्मं कर्म च आखिलम् ॥ २९ ॥

अन्वयः

ये माम् आश्रित्य जरामरणमोक्षाय यतन्ति ते तत् ब्रह्म कृत्स्नम् अध्यात्मम् अखिलं च कर्म विदुः ।

पदार्थः

ये = ये मानवाः

जरामरणमोक्षाय = जरामृत्युहानाय

माम् आश्रित्य = माम् अवलम्ब्य

यतन्ति = यतन्ते

ते = ते मानवाः

तत् ब्रह्म = प्रसिद्धं परमात्मानम्

कृत्स्नम् = समग्रम्

अध्यात्मम् = आत्मविषयम्

अखिलम् = समस्तम्

कर्म च = कर्तव्यं च

विदुः = जानन्ति ।

तात्पर्यम्

ये मानवाः माम् अवलम्ब्य जरामरणविमोक्षाय प्रयतन्ते ते मानवाः तत् परब्रह्म जानन्ति तथा समग्रम् आत्मविषयं कर्तव्यं च जानन्ति ।