बृहत्साम तथा साम्नां...

विकिपीडिया, कश्चन स्वतन्त्रः विश्वकोशः
(१०.३५ बृहत्साम तथा.... इत्यस्मात् पुनर्निर्दिष्टम्)
अत्र गम्यताम् : सञ्चरणम्, अन्वेषणम्


श्लोकः[सम्पादयतु]

गीतोपदेशः
बृहत्साम तथा साम्नां गायत्री छन्दसामहम् ।
मासानां मार्गशीर्षोऽहमृतूनां कुसुमाकरः ॥ ३५ ॥

अयं भगवद्गीतायाः दशमोऽध्यायस्य विभूतियोगस्य पञ्चत्रिंशत्तमः(३५) श्लोकः ।

पदच्छेदः[सम्पादयतु]

बृहत् साम तथा साम्नां गायत्री छन्दसाम् अहम् मासानां मार्गशीर्षः अहम् ऋतूनां कुसुमाकरः ॥ ३५ ॥

अन्वयः[सम्पादयतु]

तथा साम्नां बृहत्साम । छन्दसाम् अहं गायत्री । मासानां मार्गशीर्षः अहम् । ऋतूनां कुसुमाकरः ।

शब्दार्थः[सम्पादयतु]

तथा = एवम्
साम्नाम् = साम्नाम्
बृहत्साम = बृहत्साम
छन्दसाम् = छन्दोविशिष्टानां मन्त्राणाम्
अहं गायत्री = अहं गायत्री ऋक्
मासानाम् = द्वादशमासानाम्
अहं मार्गशीर्षः = अहम् आग्रहायणिकः मासः
ऋतूनाम् = षण्णाम् ऋतूनाम्
कुसुमाकरः = वसन्तः ।

अर्थः[सम्पादयतु]

तथा सामसु अहं बृहत्साम अस्मि । छन्दोविशिष्टानाम् ऋचाम् अहं गायत्रीच्छन्दः अस्मि । द्वादशसु मासेषु मार्गशीर्षः अहम् । षण्णाम् ऋतूनाम् अहं वसन्तः ।

सम्बद्धसम्पर्कतन्तुः[सम्पादयतु]

सम्बद्धाः लेखाः[सम्पादयतु]