इति गुह्यतमं शास्त्रम्...
(१५.२० इति गुह्यतमं…. इत्यस्मात् पुनर्निर्दिष्टम्)
श्लोकः[सम्पादयतु]
 | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- इति गुह्यतमं शास्त्रमिदमुक्तं मयानघ ।
- एतद् बुद्ध्वा बुद्धिमान्स्यात्कृतकृत्यश्च भारत ॥ २० ॥
अयं भगवद्गीतायाः पञ्चदशोऽध्यायस्य पुरुषोत्तमयोगस्य विंशतितमः(२०) श्लोकः ।
पदच्छेदः[सम्पादयतु]
इति गुह्यतमं शास्त्रम् इदम् उक्तं मयानघ एतद् बुद्ध्वा बुद्धिमान् स्यात् कृतकृत्यः च भारत ॥ २० ॥
अन्वयः[सम्पादयतु]
अनघ ! मया इदं गुह्यतमं शास्त्रम् इति उक्तम् । भारत ! एतत् बुद्ध्वा बुद्धिमान् कृतकृत्यः च स्यात् ।
शब्दार्थः[सम्पादयतु]
- अनघ = अपाप !
- गुह्यतमम् = अतिरहस्यम्
- शास्त्रम् = अबाधितार्थप्रतिपादकं वाक्यम्
- बुद्ध्वा = ज्ञात्वा
- बुद्धिमान् = विवेकवान्
- कृतकृत्यः = कृतार्थः ।
अर्थः[सम्पादयतु]
हे अपाप (अर्जुन) ! एतत् अतिरहस्यं शास्त्रम् इति मया प्रतिपादितम् । भारत ! इदं शास्त्रं ज्ञात्वा भवान् विवेकवान् कृतार्थः च भवेत् ।