ईश्वरः सर्वभूतानां...

विकिपीडिया, कश्चन स्वतन्त्रः विश्वकोशः
(१८.६१ ईश्वरः सर्वभूतानां इत्यस्मात् पुनर्निर्दिष्टम्)
Jump to navigation Jump to search


श्लोकः[सम्पादयतु]

गीतोपदेशः
ईश्वरः सर्वभूतानां हृद्देशेऽर्जुन तिष्ठति ।
भ्रामयन्सर्वभूतानि यन्त्रारूढानि मायया ॥ ६१ ॥

अयं भगवद्गीतायाः अष्टादशोऽध्यायस्य मोक्षसंन्यासयोगस्य एकषष्टितमः(६१) श्लोकः ।

पदच्छेदः[सम्पादयतु]

ईश्वरः सर्वभूतानां हृद्देशे अर्जुन तिष्ठति भ्रामयन् सर्वभूतानि यन्त्रारूढानि मायया ॥ ६१ ॥

अन्वयः[सम्पादयतु]

अर्जुन ! ईश्वरः सर्वभूतानि यन्त्रारूढानि मायया भ्रामयन् सर्वभूतानां हृद्देशे तिष्ठति ।

शब्दार्थः[सम्पादयतु]

ईश्वरः = नारायणः
सर्वभूतानि = सकलप्राणिनः
यन्त्रारूढानि = यन्त्राधितिानि इव
मायया = प्रकृत्या
भ्रामयन् = चालयन्
सर्वभूतानाम् = सकलप्राणिनाम्
हृद्देशे = हृदयप्रदेशे ।

अर्थः[सम्पादयतु]

अर्जुन ! सर्वेषामपि प्राणिनां हृदये ईश्वरो वर्तते । सः तानि सर्वाणि भूतानि यन्त्रारूढानि इव सम्यक् भ्रामयति । अतः त्वं न स्वतन्त्रः । युद्धं न करोमि इति कृतनिर्णयोऽपि अन्ते युद्धं करिष्यस्येव । तस्मात् इदानीमेव मम वचनं पालय ।

सम्बद्धसम्पर्कतन्तुः[सम्पादयतु]

सम्बद्धाः लेखाः[सम्पादयतु]

"https://sa.wikipedia.org/w/index.php?title=ईश्वरः_सर्वभूतानां...&oldid=418485" इत्यस्माद् पुनः प्राप्तिः