न काङ्क्षे विजयं कृष्ण...
(१.३२ न काङ्क्षे विजयम्… इत्यस्मात् पुनर्निर्दिष्टम्)
श्लोकः[सम्पादयतु]
- न काङ्क्षे विजयं कृष्ण ! न च राज्यं सुखानि च ।
- किं नो राज्येन गोविन्द ! किं भोगैर्जीवितेन वा ॥ ३२ ॥
अयं भगवद्गीतायाः प्रथमोध्यायस्य अर्जुनविषादयोगस्य द्वात्रिंशत्तमः (३२) श्लोकः ।
पदच्छेदः[सम्पादयतु]
न, काङ्क्षे, विजयम्, कृष्ण, न, च, राज्यम्, सुखानि, च । किम्,नः, राज्येन, गोविन्द, किम्, भोगैः, जीवितेन, वा ॥
अन्वयः[सम्पादयतु]
कृष्ण ! विजयं राज्यं सुखानि च न काङ्क्षे । गोविन्द ! राज्येन भोगैः जीवितेन वा नः किम् ?
शब्दार्थः[सम्पादयतु]
- कृष्ण = हे वासुदेव !
- विजयम् = जयम्
- राज्यम् = राष्ट्रम्
- सुखानि च = भोगान् अपि
- न काङ्क्षे = न अभिलषामि
- गोविन्द = हे कृष्ण !
- राज्येन = राष्ट्रेण
- भोगैः = भोग्यवस्तुभिः
- किम् = किं प्रयोजनम्
- जीवितेन वा = जीवनेन वा
- नः = अस्माकम् ।
अर्थः[सम्पादयतु]
हे कृष्ण ! अहं विजयं न इच्छमि । अहं राज्यं सुखानि वा नेच्छामि । हे गोविन्द ! अस्माकं राज्येन भोगैः प्राणैः वा किं प्रयोजनम् ?
बाह्यसम्पर्कतन्तुः[सम्पादयतु]
http://www.gitasupersite.iitk.ac.in