२०२६ फीफा विश्वकप:

२०२६ फीफा विश्वकपः (अंग्रेजी: ''2026 FIFA World Cup'') फीफा विश्वकपस्य त्रयोविंशतितमः तथा वर्तमानः संस्करणः अस्ति। एषः फीफा-सदस्यसङ्घानां राष्ट्रियपुरुष-पादकन्दुकम् मध्ये चतुर्वार्षिकरूपेण आयोज्यमानः अन्तर्राष्ट्रीयः प्रतियोगितोत्सवः अस्ति। अस्य प्रतियोगितायाः आरम्भः ११ जून २०२६ तमे दिने अभवत्, तथा समापनं १९ जुलाई २०२६ तमे दिने भविष्यति।

एषः प्रतियोगितोत्सवः त्रिषु राष्ट्रेषु संयुक्तरूपेण आयोजितः अस्ति। तस्य आयोजनं षोडशनगरेषु भवति। संयुक्तराज्येषु एकादशनगरेषु, मेक्सिकोदेशे त्रिषु नगरेषु, तथा कनाडादेशे द्वयोः नगरेषु। एषः प्रथमः फीफा विश्वकपः अस्ति यः त्रिभिः राष्ट्रैः संयुक्तरूपेण आयोजितः, तथा प्रथमः अपि विश्वकपः अस्ति यस्मिन् पूर्वतनस्य ३२-दलीय-प्रारूपस्य स्थाने ४८-दलीयः विस्तारितः प्रारूपः स्वीकृतः अस्ति।

एषः २००२ तमस्य वर्षस्य विश्वकपात् परं प्रथमः विश्वकपः अस्ति यः एकाधिकैः राष्ट्रैः संयुक्तरूपेण आयोजितः। १९७० तथा १९८६ तमे वर्षे अपि विश्वकपस्य आयोजनं कृत्वा मेक्सिकोदेशः विश्वकपस्य त्रिवारम् आयोजनं अथवा सह-आयोजनं कृतवान् प्रथमः देशः अभवत्। संयुक्तराज्य-अमेरिका पूर्वं १९९४ तमे वर्षे विश्वकपस्य आयोजनम् अकरोत्। कनाडादेशस्य तु एषा प्रथमैव अवसरः अस्ति यदा सः विश्वकपस्य आयोजनं सह-आयोजनं वा करोति।

कतारदेशे आयोजितः २०२२ तमस्य वर्षस्य विश्वकपः अत्यधिकग्रीष्मोष्णतां परिहर्तुं विशेषरूपेण नवम्बर-डिसम्बर-मासयोः आयोजितः आसीत्। तस्मात् परम् एषः विश्वकपः पुनः स्वस्य पारम्परिके जून-जुलाई-मासयोः आयोजन-समयसूच्यां प्रत्यावृत्तः।