व्यासप्रसादाच्छ्रुतवान्...

गीतोपदेशः

व्यासप्रसादाच्छ्रुतवानेतद् गुह्यमहं परम् ।

योगं योगेश्वरात्कृष्णात्साक्षात्कथयतः स्वयम् ॥ ७५ ॥

पदच्छेदः

व्यासप्रसादात् शृतवान् एतत् गुह्यम् अहं परम् योगं योगेश्वरात् कृष्णात् साक्षात् कथयतः स्वयम् ॥

अन्वयः

साक्षात् कथयतः योगेश्वरात् कृष्णात् गुह्यं परम् एतत् योगं व्यासप्रसादात् अहं स्वयं श्रुतवान् ।

पदार्थः

साक्षात् = प्रत्यक्षम्

कथयतः = वदतः

योगेश्वरात् = योगप्रभोः

कृष्णात् = वासुदेवात्

गुह्यम् = रहस्यम्

परम् = उत्तमम्

योगम् = योगग्रन्थम्

व्यासप्रसादात् = व्यासानुग्रहात्

श्रुतवान् = आकर्णितवान् ।

तात्पर्यम्

योगेश्वरः कृष्णः साक्षात् स्वमुखेन यदिदं गीतार्थतत्त्वम् उक्तवान् तदहं व्यासानुग्रहेण श्रुतवान् अस्मि ।

सम्बद्धसम्पर्कतन्तुः

• भगवद्गीता (मूलश्लोकाः)
• भगवद्गीता