प्रायः भविष्यकथनरुपेण आरब्धा एकमात्रक्रीडा नाम पिच्छकन्दुकः(बेडमिण्टन् )। बेबिलोनियन्जनैः भविष्यकथनं विविधैः सर्जनात्मकैः उपायैः क्रियते स्म । तेषु अन्यतमः उपायः नाम पिच्छकन्दुकः(बेडमिण्टन्) क्रीडा । गच्छता कालेन एषा क्रीडा बेबिलोनियातः जगतः विविधेषु भागेषु प्रसृता । द्विसहस्त्रात् वर्षेभ्यः पूर्वं ग्रीस्देशे इयं क्रीडा ‘बेट्लडोर्’ नाम्ना, ‘शटल् काक्’ नाम्ना वा निर्दिश्यते स्म । ग्रीसदेशात् इयं क्रीडा जपान्-सयाम् -भारत- पूर्व- चैनादिषु देशेषु प्रसृता । जपानदेशे इयं क्रीडा ‘हनेट् सुकि’ इति नाम्ना निर्दिश्यते । नूतनवर्षे प्रायः महिलाभिः दीर्घकालं यावत् शटलकाक आकाशे रक्षितुम् इच्छन्तीभिः, एकाकितया द्वाभ्यां वा क्रीड्यते स्म । शट्लकाकताडनात् कश्चित् यदा च्युतः भवेत् तदा क्रीडा रोचिका भवति स्म । तदा प्रतिस्पर्धी विजयोत्साहेन अग्रे आगत्य पराजितस्य मुखे कृष्णमश्या अङ्कनं करोति स्म । सर्वैः विश्वास्स्यते स्म यत् यया बालिकया सुदीर्घकालम् आकाशे शट्ल्काक् रक्ष्यते तया तस्मिन् वर्षे मशकेभ्यः अधिकं रक्षणं प्राप्येत् इति । भारते इयं क्रीडा ‘पूना’ नाम्ना निर्दिश्यते स्म । षोडशे शतके इयं क्रीडा ब्रिटिशजनैः ब्रिट्नदेशं प्रति नीता । काष्ठमयं हस्तताड्यं काष्ठमयेन आवरणेन युतं चर्मतन्तुभिः युक्तं च अभवत् । सपिच्छकन्दुकः अधुना और्णकन्दुकः जातः अस्ति । अस्यां क्रीडायां ब्रिटिश् जनानां महती प्रीतिः उत्पन्ना इत्यतः ते शटलकाकदिनस्य आचरणम् आरब्धवन्तः । तद्दिने सर्वे जनाः आनन्देन क्रीडन्तः दृश्यन्ते स्म सर्वासु वीथीषु ।
बाह्यसम्पर्कतन्तुः [सम्पादयतु]
