तस्मात्त्वमुत्तिष्ठ यशो...

श्लोकः

गीतोपदेशः

तस्मात्त्वमुत्ति यशो लभस्व जित्वा शत्रून्भुङ्क्ष्व राज्यं समृद्धम् ।

मयैवैते निहताः पूर्वमेव निमित्तमात्रं भव सव्यसाचिन् ॥ ३३ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य त्रयस्त्रिंशत्तमः(३३) श्लोकः ।

पदच्छेदः

तस्मात् त्वम् उत्तिष्ठ यशो लभस्व जित्वा शत्रून् भुङ्क्ष्व राज्यं समृद्धम् मया एव एते निहताः पूर्वम् एव निमित्तमात्रं भव सव्यसाचिन् ॥ ३३ ॥

अन्वयः

सव्यसाचिन् ! तस्मात् त्वम् उत्तिष्ठ, यशः लभस्व । शत्रून् जित्वा समृद्धं राज्यं भुङ्क्ष्व । एते मया पूर्वं निहताः । निमित्तमात्रं भव ।

शब्दार्थः

सव्यसाचिन् = सव्येन हस्तेनापि शरप्रयोगे निपुण !

तस्मात् = ततः हेतोः

उत्तिष्ठ = सज्जस्व

यशः = कीर्तिम्

लभस्व = प्राप्नुहि

शत्रून् = अरीन्

जित्वा = विजित्य

समृद्धम् = निष्कण्टकम्

राज्यम् = आधिपत्यम्

भुङ्क्ष्व = अनुभव

एते = इमे

पूर्वम् एव = प्रथममेव

निहताः = विनाशिताः

निमित्तमात्रम् = हेतुमात्रम्

भव = जायस्व ।

अर्थः

तस्मात् हे अर्जुन ! त्वम् उत्तिष्ठ, कीर्तिं प्राप्नुहि । अरीन् विजित्य निष्कण्टकम् आधिपत्यम् अनुभव । एते मया इतः पूर्वमेव विनाशिताः । त्वं निमित्तमात्रं भव ।

सम्बद्धसम्पर्कतन्तुः

• भगवद्गीता (मूलश्लोकाः)
• भगवद्गीता

सम्बद्धाः लेखाः

• संस्कृतम्
• श्रीमद्भगवद्गीता
• शङ्कराचार्यः
• रामानुजाचार्यः