वायुर्यमोऽग्निर्वरुणः...

श्लोकः

गीतोपदेशः

वायुर्यमोऽग्निर्वरुणः शशाङ्कः प्रजापतिस्त्वं प्रपितामहश्च ।

नमो नमस्तेऽस्तु सहस्रकृत्वः पुनश्च भूयोऽपि नमो नमस्ते ॥ ३९ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य नवत्रिंशत्तमः(३९) श्लोकः ।

पदच्छेदः

वायुः यमः अग्निः वरुणः शशाङ्कः प्रजापतिः त्वं प्रपितामहः च नमो नमस्ते अस्तु सहस्रकृत्वः पुनः च भूयः अपि नमो नमः ते ॥ ३९ ॥

अन्वयः

त्वं वायुः यमः अग्निः वरुणः शशाङ्कः प्रजापतिः प्रपितामहः च । ते सहस्रकृत्वः नमः नमः अस्तु । पुनः च भूयः अपि ते नमः नमः ।

शब्दार्थः

त्वम् = भवान्

वायुः = वायुः

यमः = अन्तकः

अग्निः = हुताशनः

वरुणः = प्रचेताः

शशाङ्कः = चन्द्रः

प्रजापतिः = हिरण्यगर्भः

प्रपितामहः च = हिरण्यगर्भस्य अपि पिता

ते = तुभ्यम्

सहस्रकृत्वः = सहस्रवारम्

नमः नमः = नमोस्तु

पुनः च भूयः अपि = पुनः पुनः अपि

ते नमः नमः = तव नमस्कारः ।

अर्थः

त्वं वायुः यमः अग्निः वरुणः शशाः प्रजापतिः प्रपितामहः च । तुभ्यं सहस्रवारं प्रणामं करोमि । पुनः पुनः प्रणामं करोमि । नमो नमः अस्तु । पुनः च भूयः अपि तुभ्यं नमो नमः ।

सम्बद्धसम्पर्कतन्तुः

• भगवद्गीता (मूलश्लोकाः)
• भगवद्गीता

सम्बद्धाः लेखाः

• संस्कृतम्
• श्रीमद्भगवद्गीता
• शङ्कराचार्यः
• रामानुजाचार्यः