आख्याहि मे को भवान्...

विकिपीडिया, कश्चन स्वतन्त्रः विश्वकोशः

(११.३१ आख्याहि मे को... इत्यस्मात् पुनर्निर्दिष्टम्)

श्लोकः

अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन अयं लेखः संवर्ध्यताम् । (जनुवरि २०१४)

आख्याहि मे को भवानुग्ररूपो नमोऽस्तु ते देववर प्रसीद ।

विज्ञातुमिच्छामि भवन्तमाद्यं न हि प्रजानामि तव प्रवृत्तिम् ॥ ३१ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य एकत्रिंशत्तमः(३१) श्लोकः ।

आख्याहि मे कः भवान् उग्ररूपः नमः अस्तु ते देववर प्रसीद विज्ञातुम् इच्छामि भवन्तम् आद्यं न हि प्रजानामि तव प्रवृत्तिम् ॥ ३१ ॥

देववर ! उग्ररूपः भवान् कः मे आख्याहि । ते नमः अस्तु । प्रसीद । आद्यं भवन्तं विज्ञातुम् इच्छामि । तव प्रवृत्तिं न हि प्रजानामि ।

देववर = देवश्रे !

उग्ररूपः = भयरस्वरूपः

भवान् कः = त्वं कः

मे आख्याहि = मह्यं कथय

ते नमः = तव प्रणामः

अस्तु = भवतु

प्रसीद = प्रसन्नो भव

आद्यम् = प्रथमम्

भवन्तम् = त्वाम्

विज्ञातुम् = वेदितुम्

इच्छामि = अभिलषामि

तव = ते

प्रवृत्तिम् = चेष्टाम्

न हि प्रजानामि = न वेद्मि ।

देवश्रेष्ठ ! भयरस्वरूपः त्वं कः इति मह्यं कथय । तव प्रणामः अस्तु । अनुगृहाण । प्रथमं त्वां वेदितुम् इच्छामि । तव प्रवृत्तिं न जानामि ।

गोपिताः वर्गाः: