नमः पुरस्तादथ...

विकिपीडिया, कश्चन स्वतन्त्रः विश्वकोशः

(११.४० नमः पुरस्तादथ... इत्यस्मात् पुनर्निर्दिष्टम्)

श्लोकः

अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन अयं लेखः संवर्ध्यताम् । (जनुवरि २०१४)

नमः पुरस्तादथ पृतस्ते नमोऽस्तु ते सर्वत एव सर्व ।

अनन्तवीर्यामितविक्रमस्त्वं सर्वं समाप्नोषि ततोऽसि सर्वः ॥ ४० ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य चत्वारिंशत्त्तमः(४०) श्लोकः ।

नमः पुरस्तात् अथ पृष्ठतः ते नमः अस्तु ते सर्वतः एव सर्व अनन्तवीर्य अमितविक्रमः त्वं सर्वं समाप्नोषि ततः असि सर्वः ॥ ४० ॥

पुरस्तात् अथ पृष्ठतः ते नमः । सर्व ते सर्वतः एव नमः अस्तु । अनन्तवीर्य ! त्वम् अमितविक्रमः सर्वं समाप्नोषि । ततः सर्वः असि ।

पुरस्तात् = पुरतः

अथ पृष्ठतः = पश्चात् च

ते नमः = तुभ्यं नमः

सर्व = सर्वात्मन्

सर्वतः एव = परितः एव

नमः अस्तु = नमोऽस्तु

अनन्तवीर्य = अपरिमितविक्रम !

त्वम् अमितविक्रमः = त्वम् अगणितपराक्रमः

सर्वम् = समस्तम्

समाप्नोषि = व्याप्नोषि

ततः = तस्मात्

सर्वः असि = सकलः असि ।

पुरतः पश्चात् च तुभ्यं नमोऽस्तु । सर्वात्मक ! तुभ्यं परितः नमः अस्तु । अपरिमितविक्रम ! त्वम् अगणितपराक्रमः समस्तं व्याप्नोषि । तस्मात् सकलः असि ।

गोपिताः वर्गाः: