काममाश्रित्य दुष्पूरं...

विकिपीडिया, कश्चन स्वतन्त्रः विश्वकोशः

(१६.१० काममाश्रित्य इत्यस्मात् पुनर्निर्दिष्टम्)

श्लोकः

अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन अयं लेखः संवर्ध्यताम् । (जनुवरि २०१४)

काममाश्रित्य दुष्पूरं दम्भमानमदान्विताः ।

मोहाद् गृहीत्वाऽसद्ग्राहान्प्रवर्तन्तेऽशुचिव्रताः ॥ १० ॥

अयं भगवद्गीतायाः षोडशोध्यायस्य दैवासुरसम्पद्विभागयोगस्य दशमः(१०) श्लोकः ।

कामम् आश्रित्य दुष्पूरं दम्भमानमदान्विताः मोहाद् गृहीत्वा असद्ग्राहान् प्रवर्तन्ते अशुचिव्रताः ॥

दुष्पूरं कामम् आश्रित्य दम्भमानमदान्विताः मोहात् असद्ग्राहान् गृहीत्वा अशुचिव्रताः प्रवर्तन्ते ।

दुष्पूरम् = अशक्यपूरणम्

कामम् = इच्छाविशेषम्

आश्रित्य = अवलम्ब्य

मोहात् = अविवेकात्

दम्भमानमदान्विताः = दम्भाभिमानगर्वसहिताः

असद्ग्राहान् = दुष्टनिश्चयान्

अशुचिव्रताः = अशुद्धकर्माणः

प्रवर्तन्ते = प्रवृत्ताः भवन्ति ।

ते हि दम्भादिभिः समन्विताः गर्हितं व्रतं चरन्तश्च अमितं विषयाभिलाषम् आश्रित्य अनर्थकरान् निर्णयान् विधाय जगतः नाशाय प्रवर्तन्ते ।

गोपिताः वर्गाः: