सर्वभूतेषु येनैकं...
(१८.२० सर्वभूतेषु येनैकं इत्यस्मात् पुनर्निर्दिष्टम्)
श्लोकः[सम्पादयतु]
 | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- सर्वभूतेषु येनैकं भावमव्ययमीक्षते ।
- अविभक्तं विभक्तेषु तज्ज्ञानं विद्धि सात्त्विकम् ॥ २० ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य विंशतितमः(२०) श्लोकः ।
पदच्छेदः[सम्पादयतु]
सर्वभूतेषु येन एकं भावम् अव्ययम् ईक्षते अविभक्तं विभक्तेषु तत् ज्ञानं विद्धि सात्त्विकम् ॥
अन्वयः[सम्पादयतु]
विभक्तेषु सर्वभूतेषु अव्ययम् एकं भावं येन ईक्षते तत् ज्ञानं सात्त्विकं विद्धि ।
शब्दार्थः[सम्पादयतु]
- सर्वभूतेषु = सकलभूतेषु
- अव्ययम् = अक्षरम्
- भावम् = परमात्मतत्त्वम्
- विभक्तेषु = पृथक् स्थितेषु
- अविभक्तम् = विभागरहितम्
- एकम् = अद्वितीयम्
- ईक्षते = पश्यति
- ज्ञानम् = सम्यक् ज्ञानम् ।
अर्थः[सम्पादयतु]
अत्र यावन्ति भूतानि सन्ति तानि परस्परं विभिन्नानि । तेषु सर्वत्र स्थितं समानं परमात्मतत्त्वं येन पश्यति तत् ज्ञानं सात्त्विकं जानीहि ।