मुक्तसङ्गोऽनहंवादी...
(१८.२६ मुक्तसङ्गोऽनहंवादी इत्यस्मात् पुनर्निर्दिष्टम्)
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- मुक्तसङ्गोऽनहंवादी धृत्युत्साहसमन्वितः ।
- सिद्ध्यसिद्ध्योर्निविकारः कर्ता सात्त्विक उच्यते ॥ २६ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य षड्विंशतितमः(२६) श्लोकः ।
पदच्छेदः
[सम्पादयतु]मुक्तसङ्गः अनहंवादी धृत्युत्साहसमन्वितः सिद्ध्यसिद्ध्योः निविकारः कर्ता सात्त्विकः उच्यते ॥
अन्वयः
[सम्पादयतु]मुक्तसङ्गः धृत्युत्साहसमन्वितः अनहंवादी सिद्ध्यसिद्ध्योः निर्विकारः कर्ता सात्त्विकः उच्यते ।
शब्दार्थः
[सम्पादयतु]- मुक्तसङ्गः = फलाभिलाषरहितः
- धृत्युत्साहसमन्वितः = धैर्यौत्सुक्यसहितः
- अनहंवादी = अहारशून्यः
- सिद्ध्यसिद्ध्योः = लाभालाभयोः
- निर्विकारः = विकारशून्यः
- कर्ता = आचरिता
- सात्त्विकः = सत्त्ववान्
- उच्यते = कथ्यते ।
अर्थः
[सम्पादयतु]यः तावत् फलापेक्षाम् अकुर्वन्, अहं करोमि इति अवदन्, धैर्येण औत्सुक्येन युक्तः, कर्मणि सिद्धे असिद्धे च समानचित्तः सन् कर्म करोति सः सात्त्विकः इति उच्यते ।