विषयेन्द्रियसंयोगाद्...
(१८.३८ विषयेन्द्रियसंयोगा इत्यस्मात् पुनर्निर्दिष्टम्)
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- विषयेन्द्रियसंयोगाद्यत्तदग्रेऽमृतोपमम् ।
- परिणामे विषमिव तत्सुखं राजसं स्मृतम् ॥ ३८ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य अष्टात्रिंशत्तमः(३८) श्लोकः ।
पदच्छेदः
[सम्पादयतु]विषयेन्द्रियसंयोगात् यत् तदग्रे अमृतोपमम् परिणामे विषम् इव तत् सुखं राजसं स्मृतम् ॥
अन्वयः
[सम्पादयतु]यत् तत् विषयेन्द्रियसंयोगात् अग्रे अमृतोपमं परिणामे विषमिव तत् सुखं राजसं स्मृतम् ।
शब्दार्थः
[सम्पादयतु]- विषयेन्द्रियसंयोगात् = विषयेन्द्रियसम्बन्धात्
- अग्रे = आदौ
- अमृतोपमम् = अमृतसदृशम्
- परिणामे = अन्ते
- स्मृतम् = अभिहितम् ।
अर्थः
[सम्पादयतु]विषयेन्द्रियसम्बन्धात् जातं यत् सुखं तत् आदौ अमृतसदृशम् अन्ते विषसदृशं च भवति । तत् सुखं राजसम् अभिहितम् ।