सर्वगुह्यतमं भूयः...
(१८.६४ सर्वगुह्यतमं भूयः इत्यस्मात् पुनर्निर्दिष्टम्)
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- सर्वगुह्यतमं भूयः शृणु मे परमं वचः ।
- इष्टोऽसि मे दृढमिति ततो वक्ष्यामि ते हितम् ॥ ६४ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य चतुःषष्टितमः(६४) श्लोकः ।
पदच्छेदः
[सम्पादयतु]सर्वगुह्यतमं भूयः शृणु मे परमं वचः इष्ट असि मे दृढम् इति ततः वक्ष्यामि ते हितम् ॥
अन्वयः
[सम्पादयतु]दृढं मे इष्टः असि इति सर्वगुह्यतमं मे परमं वचः भूयः शृणु । ततः ते हितं वक्ष्यामि ।
शब्दार्थः
[सम्पादयतु]- सर्वगुह्यतमम् = अत्यन्तगोपनीयम्
- परमम् = प्रकृष्टम्
- वचः = वाक्यम्
- भूयः = पुनः
- इष्टः = अभिमतः
- हितम् = श्रेयस्करम्
- वक्ष्यामि = वदिष्यामि ।
अर्थः
[सम्पादयतु]अत्यन्तं गोपनीयं मम प्रकृष्टं वचनं पुनः शृणु । त्वं मम अत्यन्तम् इष्टः असि । तस्मात् तव यत् श्रेयस्करं तत् वदिष्यामि ।