इत्यहं वासुदेवस्य...
(१८.७४ इत्यहं वासुदेवस्य इत्यस्मात् पुनर्निर्दिष्टम्)
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
सञ्जय उवाच -
- इत्यहं वासुदेवस्य पार्थस्य च महात्मनः ।
- संवादमिमश्रौषमद्भुतं रोमहर्षणम् ॥ ७४ ॥
अयं भगवद्गीतायाः अष्टादशोऽध्यायस्य मोक्षसंन्यासयोगस्य चतु्ःसप्ततितमः(७४) श्लोकः ।
पदच्छेदः
[सम्पादयतु]इति अहं वासुदेवस्य पार्थस्य च महात्मनः संवादमिमम् अश्रौषम् अद्भुतं रोमहर्षणम् ॥
अन्वयः
[सम्पादयतु]महात्मनः वासुदेवस्य पार्थस्य च रोमहर्षणम् अद्भुतम् इमं संवादम् इति अहम् अश्रौषम् ।
शब्दार्थः
[सम्पादयतु]- महात्मनः = महानुभावस्य
- वासुदेवस्य = नारायणस्य
- पार्थस्य = अर्जुनस्य
- रोमहर्षणम् = रोमाञ्चकरम्
- संवादम् = सम्भाषणम्
- अश्रौषम् = अशृणवम् ।
अर्थः
[सम्पादयतु]महानुभावस्य नारायणस्य अर्जुनस्य च रोमाञ्चकरम् आश्चर्यम् एनं संवादम् अहम् अशृणवम् ।