मय्यावेश्य मनो ये मां...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
श्रीभगवानुवाच -
- मय्यावेश्य मनो ये मां नित्ययुक्ता उपासते ।
- श्रद्धया परयोपेतास्ते मे युक्ततमा मताः ॥ २ ॥
अयं भगवद्गीतायाः द्वादशोऽध्यायस्य भक्तियोगस्य द्वितीयः(२) श्लोकः ।
पदच्छेदः
[सम्पादयतु]मयि आवेश्य मनः ये मां नित्ययुक्ताः उपासते श्रद्धया परया उपेताः ते मे युक्ततमाः मताः ॥ २ ॥
अन्वयः
[सम्पादयतु]ये मनः मयि आवेश्य नित्ययुक्ताः परया श्रद्धया उपेताः माम् उपासते ते मे युक्ततमाः मताः ।
शब्दार्थः
[सम्पादयतु]- ये = ये जनाः
- मनः = चित्तम्
- मयि = परमात्मनि
- आवेश्य = प्रवेश्य
- नित्ययुक्ताः = सततसमाहिताः
- परया = प्रकृष्टया
- श्रद्धया = आसक्त्या
- उपेताः = समन्विताः
- माम् उपासते = मां भजन्ते
- ते = ते जनाः
- मे = मम
- युक्ततमाः = योगिश्रेष्ठाः
- मताः = सम्मताः ।
अर्थः
[सम्पादयतु]ये जनाः चित्तं मयि निवेश्य सततसमाहिताः प्रकृष्टया श्रद्धया समन्विताः मां भजन्ते ते जनाः मम योगिश्रेष्ठाः मताः ।