कर्मणः सुकृतस्याहुः...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- कर्मणः सुकृतस्याहुः सात्त्विकं निर्मलं फलम् ।
- रजसस्तु फलं दुःखमज्ञानं तमसः फलम् ॥ १६ ॥
अयं भगवद्गीतायाः चतुर्दशोऽध्यायस्य गुणत्रयविभागयोगस्य षोडशः(१६) श्लोकः ।
पदच्छेदः
[सम्पादयतु]कर्मणः सुकृतस्य आहुः सात्त्विकं निर्मलं फलम् रजसः तु फलं दुःखम् अज्ञानं तमसः फलम् ॥ १६ ॥
अन्वयः
[सम्पादयतु]सुकृतस्य कर्मणः निर्मलं सात्त्विकं फलम् आहुः । रजसः फलं तु दुःखम् । तमसः फलम् अज्ञानम् ।
शब्दार्थः
[सम्पादयतु]- सुकृतस्य कर्मणः = साधु विहितस्य कर्मणः
- निर्मलम् = स्वच्छम्
- सात्त्विकम् = सत्त्वसम्पन्नम्
- फलम् = सुखरूपफलम्
- आहुः = ब्रुवन्ति ।
अर्थः
[सम्पादयतु]साधु विहितस्य कर्मणः सत्त्वप्रधानं स्वच्छं सुखं फलं कथयन्ति । रजोगुणस्य दुःखं तमसस्तु अज्ञानम्।