सूत्रलक्षणम्
अल्पाक्षरमसन्दिग्धं सारवद्विश्वतोमुखम्।
अस्तोभमनवद्यञ्च सूत्रं सूत्रविदो विदुः॥
- अल्पाक्षरम् - अल्पानि अक्षराणि यस्मिन्।(विवक्षितमर्थं यावद्भिरक्षरैः प्रतिपादयितुं शक्यं तावदक्षरोपेतत्वम्)
- असन्दिग्धम् - न सन्दिग्धम्।
- सारवद् - सारः अस्य/अस्मिन् अस्तीति।(सारो बले दृढांशे च)
- विश्वतोमुखम् - विश्वतः (सर्वतः) मुखं यस्य।
- अस्तोभम् - नास्ति स्तोभः (रोधः) यस्मिन्।
- अनवद्यम् - न अवद्यम् (गर्ह्यम्)।