आयुधानामहं वज्रं...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- आयुधानामहं वज्रं धेनूनामस्मि कामधुक् ।
- प्रजनश्चास्मि कन्दर्पः सर्पाणामस्मि वासुकिः ॥ २८ ॥
अयं भगवद्गीतायाः दशमोऽध्यायस्य विभूतियोगस्य अष्टाविंशतितमः (२८) श्लोकः ।
पदच्छेदः
[सम्पादयतु]आयुधानाम् अहं वज्रं धेनूनाम् अस्मि कामधुक् प्रजनः च अस्मि कन्दर्पः सर्पाणाम् अस्मि वासुकिः ॥ २८ ॥
अन्वयः
[सम्पादयतु]अहम् आयुधानां वज्रं धेनूनां कामधुक् प्रजनः कन्दर्पः सर्पाणां वासुकिः च अस्मि ।
शब्दार्थः
[सम्पादयतु]- आयुधानाम् = शस्त्राणाम्
- वज्रम् = वज्रायुधम्
- धेनूनाम् = गवाम्
- कामधुक् = कामधेनुः
- प्रजनः = अपत्योत्पत्तिहेतुः
- कन्दर्पः = मन्मथः
- सर्पाणाम् = विषसहितानाम् उरगाणाम्
- वासुकिः च अस्मि = वासुकिनामकः अस्मि ।
अर्थः
[सम्पादयतु]शस्त्रेषु अहं दधीचेः अस्थ्ना निर्मितं वज्रायुधम् अस्मि । धेनुषु कामधेनुः अस्मि । जनयिता मन्मथः अपि अस्मि । सर्पविशेषेषु वासुकिनामकः सर्पराजः अस्मि ।