इदं तु ते गुह्यतमं...

विकिपीडिया, कश्चन स्वतन्त्रः विश्वकोशः

श्लोकः

अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन अयं लेखः संवर्ध्यताम् । (जनुवरि २०१४)

श्रीभगवानुवाच

इदं तु ते गुह्यतमं प्रवक्ष्याम्यनसूयवे ।

ज्ञानं विज्ञानसहितं यज्ज्ञात्वा मोक्ष्यसेऽशुभात् ॥ १ ॥

अयं भगवद्गीतायाः नवमोध्यायस्य राजविद्याराजगुह्ययोगस्य प्रथमः(१) श्लोकः ।

इदं तु ते गुह्यतमं प्रवक्ष्यामि अनसूयवे ज्ञानं विज्ञानसहितं यत् ज्ञात्वा मोक्ष्यसे अशुभात् ॥ १ ॥

अनसूयवे ते इदं तु गुह्यतमं विज्ञानसहितं ज्ञानं प्रवक्ष्यामि यत् ज्ञात्वा अशुभात् मोक्ष्यसे ।

विज्ञानसहितम् = उपासनयुक्तम्

गुह्यतमम् = गोप्यतमम्

इदं तु = एतत्

ज्ञानं = ज्ञानम्

अनसूयवे = ईर्ष्यारहिताय

ते = तुभ्यम्

प्रवक्ष्यामि = वदिष्यामि

यत् = यत् ज्ञानम्

ज्ञात्वा = विज्ञाय

अशुभात् = अनर्थात्

मोक्ष्यसे = परित्यक्ष्यसे ।

अर्जुन ! यदिदम् आत्मज्ञानम् तस्य च यदुपासनं तदुभयमपि ते कथयामि यत् ज्ञात्वा अनिष्टात् अस्मात् संसारात् मुक्तिं प्राप्नोषि ।

गोपिताः वर्गाः: