कूडलसङ्गमः

विकिपीडिया, कश्चन स्वतन्त्रः विश्वकोशः

कूडलसङ्गमः ಕೂಡಲಸಂಗಮ
ग्रामः
कूडलसङ्गमे सङ्गमनाथदेवालयः

राष्ट्रम्	India
राज्यानि	कर्णाटकराज्यम्
मण्डलम्	बागल्कोटमण्डलम्
भाषाः
• अधिकृत	कन्नडभाषा
Time zone	UTC+5:30 (भारतीय सामान्यकालमानम्)
दूरवाणीकूटसंख्या	587115
Website	www.bagalkot.nic.in/koodal.htm

कूडलसङ्गमम् कर्णाटकस्य बिजापुरमण्डले विद्यमानं किञ्चन तीर्थक्षेत्रम् । कृष्णा मलप्रभानद्योः सङ्गमस्थानम् एतत् क्षेत्रम् । अत्र श्रीजातवेदमुनिः विद्याकेन्द्रं स्थापितवान् इति श्रूयते । महात्मा बसवेश्वरः कल्याणक्रान्तेः अनन्तरम् अत्र आगत्य कूडलसङ्गमेश्वरे ऐक्यः अभवत् । चालुक्यशैल्यां रचितः कूडलसङ्गमनाथदेवालयः ९०० वर्षैः प्राचीनः अस्ति । अत्रत्या शिल्पकला विशिष्टा अस्ति । गर्भगृहं दर्शनीयम् अस्ति । बसवेश्वरस्य ऐक्यमण्डपं परितः वृत्ताकारेण रचितः प्राकारः अस्ति । जले स्थितः एषः देवालयः विशेषानुभवं ददाति । कूडलसङ्गमक्षेत्रे बृहत् सभामण्डपं शिवशरणानां मूर्तिशिल्पानि सुन्दराणि सन्ति । समीपे आलमट्टिजलाशयः उद्यानवनं च स्तः । अत्र सङ्गमजले नौकाविहारं कर्तुं व्यवस्था अस्ति ।