क्षिप्रं भवति धर्मात्मा...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- क्षिप्रं भवति धर्मात्मा शश्वच्छान्तिं निगच्छति ।
- कौन्तेय प्रतिजानीहि न मे भक्तः प्रणश्यति ॥ ३१ ॥
अयं भगवद्गीतायाः नवमोध्यायस्य राजविद्याराजगुह्ययोगस्य एकत्रिंशत्तमः(३१) श्लोकः ।
पदच्छेदः
[सम्पादयतु]क्षिप्रं भवति धर्मात्मा शश्वत् शान्तिं निगच्छति कौन्तेय प्रतिजानीहि न मे भक्तः प्रणश्यति ॥ ३१ ॥
अन्वयः
[सम्पादयतु]दुराचारोऽपि क्षिप्रं धर्मात्मा भवति । शश्वत् शान्तिं निगच्छति । कौन्तेय ! प्रतिजानीहि, मे भक्तः न प्रणश्यति ।
शब्दार्थः
[सम्पादयतु]- (दुराचारोऽपि) क्षिप्रम् = शीघ्रम्
- धर्मात्मा = धर्मबुद्धिः
- भवति = सम्पद्यते
- शश्वत् = नित्यम्
- शान्तिम् = उपशमम्
- निगच्छति = प्राप्नोति
- कौन्तेय = कुन्तीपुत्र !
- मे भक्तः = मम भक्तः
- न प्रणश्यति = नाशं न गच्छति इति
- प्रतिजानीहि = प्रतिज्ञां कुरु ।
अर्थः
[सम्पादयतु]अर्जुन ! दुराचारोऽपि पुरुषः अनन्यचित्तः मां यदि भजते तर्हि सः शीघ्रं पुण्यात्मा भवति, शाश्वतीं च शान्तिं प्राप्नोति । पार्थ ! सभासु दृढमिदम् उद्घोषय यत् मे भक्तः न प्रणश्यति ।’