ग्रीष्मचर्या
४ ग्रीष्मचर्या।
सूर्यातपश्चण्डतरो भवत्यस्मिनृतौ, अतोऽम्ल-लवण-कटुरसा अत्र वर्जनीया:, आग्नेयत्वात्।मधुरप्रायं लघु, स्निग्धं च भोजनं भवेत्। पानार्थं नवे मृत्कुम्भे स्थापितं जलं प्रशस्तम्।सकर्पूरं सुशीतलं सुगन्धयुतं पानकं मध्यन्दिने पेयम्।निशि च चन्द्रकिरणै: शीतं ससितं माहिषं क्षीरं पेयम्।गात्रे चन्दनलेपो भवेत्। सूक्ष्मं तनु च वासो धार्यम्। व्यायामो न्यूनतर: स्यात्।