भक्त्या त्वनन्यया शक्य...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- भक्त्या त्वनन्यया शक्य अहमेवंविधोऽर्जुन ।
- ज्ञातुं द्रष्टुं च तत्त्वेन प्रवेष्टुं च परन्तप ॥ ५४ ॥
अयं भगवद्गीतायाः एकादशोऽध्यायस्य विश्वरूपदर्शनयोगस्य चतुःपञ्चाशत्तमः(५४) श्लोकः ।
पदच्छेदः
[सम्पादयतु]भक्त्या तु अनन्यया शक्यः अहम् एवंविधः अर्जुन ज्ञातुं द्रष्टुं च तत्त्वेन प्रवेष्टुं च परन्तप ॥ ५४ ॥
अन्वयः
[सम्पादयतु]परन्तप ! अर्जुन ! अहम् अनन्यया भक्त्या तु एवंविधः तत्त्वेन ज्ञातुं द्रष्टुं च प्रवेष्टुं च शक्यः ।
शब्दार्थः
[सम्पादयतु]- परन्तप = शत्रुतापन !
- अनन्यया = अनितरया
- भक्त्या तु = प्रेम्णा तु
- एवंविधः अहम् = एवंप्रकारः अहम्
- तत्त्वेन = परमार्थतः
- ज्ञातुम् = वेदितुम्
- द्रष्टुं च = अवलोकितुं च
- प्रवेष्टुं च = प्राप्तुं च
- शक्यः = अर्हः ।
अर्थः
[सम्पादयतु]शत्रुतापन ! अर्जुन ! अहम् अनिरतेण प्रेम्णा तु एवंप्रकारः तत्त्वतः वेदितुं द्रष्टुं च प्राप्तुं च शक्यः नान्येन उपायेन ।