मञ्जुल भार्गव

विकिपीडिया, कश्चन स्वतन्त्रः विश्वकोशः

मञ्जुल भार्गव
सञ्चिका:ManjulBhargava.jpeg
जननम्	(१९७४-२-२) ८, १९७४ (आयुः ५०) हेमिल्टन्, ओण्टेरियो
देशीयता	केनडादेशीयः, अमेरिकादेशीयः
कार्यक्षेत्राणि	गणितम्
संस्थाः	प्रिन्स्टन्-विश्वविद्यालयः लीडन्-विश्वविद्यालयः
मातृसंस्थाः	हार्वर्ड्-विश्वविद्यालयः प्रिन्स्टन्-विश्वविद्यालयः
संशोधनमार्गदर्शी	आण्ड्रूव् वैल्स्
शोधच्छात्राः	मैकेल् वोल्पटो मेलेन् वुड् वे हो अरुल् शङ्कर
विषयेषु प्रसिद्धः	गास् काम्पोसिशन् नियमाः १५, २९० प्रमेयाः फेक्टोरियल् नियोज्यम् अण्डाकारवक्रतानां स्थानानि
प्रमुखाः प्रशस्तयः	फील्ड्स्-पदकम् (२०१४) इन्फोसिस्-प्रशस्तिः (२०१२) फर्मेट्-प्रशस्तिः (२०११) कोल्-प्रशस्तिः (२००८) क्ले-संशोधनप्रशस्तिः (२००५) शास्त्र रामानुजन् प्रशस्तिः (२००५) हस्से प्रशस्तिः (२००३) मार्गन् प्रशस्तिः (१९९६) हूप्स् प्रशस्तिः (१९९६)

मञ्जुल भार्गवः(जननम् आगस्ट् ८, १९७४) ^[१]) कश्चन भारतीयः केनडीय-अमेरिकीयः गणितज्ञः । अयम् अमेरिकीये प्रिन्स्टन्-विश्वविद्यालये गणितप्राध्यापकः अस्ति । अङ्कप्रमेयविषये तेन कृतं योगदानम् अत्यन्तं प्रसिद्धं महत्त्वपूर्णञ्च विद्यते ।

भार्गवः २०१४ तमस्य वर्षस्य फील्ड्स्-पदकप्रशस्त्या सम्मानितः अस्ति । अङ्कानां रेखागणिते तेन विनूतनाः परिणामकारिण्यः पद्धतयः आविष्कृताः सन्ति । अण्डाकारिकवक्रतानां स्थाननिर्देशनं, लघुवक्रतानां गणनं च भार्गवः एतासां पद्धतीनाम् उपयोगेन साधितवान् यत् तन्निमित्तम् इयं प्रशस्तिः दीयमाना अस्ति इति अघोषयत् अन्ताराष्ट्रियः गणितकूटः ।^[२] तदीया एर्डो-सङ्ख्या २ विद्यते । ^[३]

शिक्षणं वृत्तिजीवञ्च

[सम्पादयतु]

भार्गवः केनडादेशस्य ओण्टरियोराज्यस्य हेमिल्टन्-नगरे जातः । तस्य बाल्यदिनानि तु न्यूयार्क्-राज्यस्य लाङ्ग्-ऐलेण्ड्-प्रदेशे यापितानि ।^[४] सः स्वीये चतुर्दशे एव वयसि प्रौडशालीयगणित-सङ्गणकशिक्षणं समापयत् । ^[५] तेन प्लैनेड्ज्-प्रौढशालायां शिक्षणं प्राप्तम् । १९९६ तमे वर्षे तेन हार्वर्ड्-विश्वविद्यालयतः बि ए पदवी प्राप्ता । पदवीपूर्वसंशोधनकार्याय तेन १९९६ तमे वर्षे मार्गन्-प्रशस्तिः प्राप्ता । आण्ड्रिव् वैल्स् नामकस्य मार्गदर्शकस्य आधीन्ये तेन प्रिन्स्टन्-विश्वविद्यालये संशोधनं कृतम् । सः २००१-०२ तमयोः वर्षयोः सः इन्स्टिट्यूट् आफ् अड्वान्स्ड् स्टडीस् इत्यत्रः अतिथिप्राध्यापकरूपेण कार्यम् अकरोत् ।^[६] पदवीशिक्षणस्य समाप्तेः वर्षद्वयाभ्यन्तरे एव प्रिन्स्टन्-विश्वविद्यालये अयं पूर्णावधिप्राध्यापकरूपेण नियुक्तः जातः यत् तदस्ति विशेषतया उल्लेखार्हः । ^[७]

भार्गवः उत्कृष्टः तबलावादकः अस्ति यः प्रसिद्धस्य तबलावादकस्य झाकिर् हुसेनस्य शिष्येषु अन्यतमः ।^[८] अयं स्वस्य मातामहस्य पुरुषोत्तम लाल भार्गवस्य समीपे संस्कृतमपि अधीतवान् । पितामहः प्रसिद्धः संस्कृतज्ञः प्राचीनभारतेतिहासज्ञश्च ।^[९]

योगदानानि

[सम्पादयतु]

तदीयः विद्यावारिधेः संशोधनद्वारा गासस्य काम्पोसिशन्-नियमानाम् अन्वयः विभिन्नेषु सन्दर्भेषु कृतः । तत्रत्य प्रमुखः फलितांशः अङ्कक्षेत्रे उपयुक्तमस्ति । बीजगणितीये अङ्कक्षेत्रे , अण्डाकारवक्रतानाम् अङ्कगणितीयप्रमेयविषये च तस्य विशेषप्रयोजनं दर्शितमस्ति । ^[१०] गणितक्षेत्रे तदीयानि कानिचन विशिष्टानि योगदानानि -

१४ नवीनाः गास्-शैलीकाः काम्पोसिशन्-नियमाः ।
१५ प्रमेयस्य प्रमाणानि
२९० प्रमेयस्य प्रमाणानि (जोनथन् हङ्के - इत्यनेन सह)

चितानि प्रकाशनानि

[सम्पादयतु]

Bhargava, Manjul (2000). "The Factorial Function and Generalizations". The American Mathematical Monthly 107 (9): 783–799. ISSN 0002-9890. doi:10.2307/2695734.
Bhargava, Manjul (2004). "Higher Composition Laws I: A New View on Gauss Composition, and Quadratic Generalizations". The Annals of Mathematics 159: 217–250. doi:10.4007/annals.2004.159.217.
Bhargava, Manjul (2004). "Higher Composition Laws II: On Cubic Analogues of Gauss Composition". The Annals of Mathematics 159 (2): 865–886. doi:10.4007/annals.2004.159.865.
Bhargava, Manjul (2004). "Higher Composition Laws III: The Parametrization of Quartic Rings". The Annals of Mathematics 159 (3): 1329–1360. doi:10.4007/annals.2004.159.1329.
Bhargava, Manjul (2005). "The density of discriminants of quartic rings and fields". The Annals of Mathematics 162: 1031–1063. doi:10.4007/annals.2005.162.1031.
Bhargava, Manjul (2008). "Higher composition laws IV: The parametrization of quintic rings". The Annals of Mathematics 167: 53–94. doi:10.4007/annals.2008.167.53.
Bhargava, Manjul (2010). "The density of discriminants of quintic rings and fields". The Annals of Mathematics 172: 1559–1591. doi:10.4007/annals.2010.172.1559.
Bhargava, Manjul; Shankar, Arul (2010). Binary quartic forms having bounded invariants, and the boundedness of the average rank of elliptic curves. arXiv:1006.1002.
Bhargava, Manjul; Shankar, Arul (2010). Ternary cubic forms having bounded invariants, and the existence of a positive proportion of elliptic curves having rank 0. arXiv:1007.0052.
Bhargava, Manjul; Satriano, Matthew (2010). On a notion of "Galois closure" for extensions of rings. arXiv:1006.2562v1.