मत्ताक्रीडा
मत्ताक्रीडा ।
प्रतिचरणम् अक्षरसङ्ख्या 23
मत्ताक्रीडा मौ त्नौ नौ न्लौ गिति भवति वसुशरदशयतियुता। केदारभट्टकृत- वृत्तरत्नाकर:३.१०५
ऽऽऽ ऽऽऽ ऽऽ। ।।। ।।। ।।। ।।। ।ऽ
म म त न न न न ल ग।
यति: अष्टभि: पञ्चदशभि:च।
उदाहरणम् -
धर्मग्लानिर्वृद्धोऽधर्मो जगति भवति तदनु मदवतरणं,
क्रोडीकृत्य स्वीयां मायां भवति मम च जननमजननमृते:।
धर्मस्थैर्यं साधुत्राणं खलजनकुलदलनमपि च विदधे,
दिव्यं मे वेत्त्येवं कर्म जननमपि च जननमभिभवति स:॥