य एवं वेत्ति पुरुषं...

विकिपीडिया, कश्चन स्वतन्त्रः विश्वकोशः

श्लोकः

अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन अयं लेखः संवर्ध्यताम् । (जनुवरि २०१४)

य एवं वेत्ति पुरुषं प्रकृतिं च गुणैः सह ।

सर्वथा वर्तमानोऽपि न स भूयोऽभिजायते ॥ २३ ॥

अयं भगवद्गीतायाः त्रयोदशोध्यायस्य क्षेत्रक्षेत्रज्ञविभागयोगस्य त्रयोविंशतितमः(२३) श्लोकः ।

यः एवं वेत्ति पुरुषं प्रकृतिं च गुणैः सह सर्वथा वर्तमानः अपि न सः भूयः अभिजायते ॥ २३ ॥

यः एवं गुणैः सह पुरुषं प्रकृतिं च वेत्ति सः सर्वथा वर्तमानः अपि भूयः न अभिजायते ।

गुणैः सह = गुणैः साकम्

पुरुषम् = जीवम्

प्रकृतिं च = प्रधानम् अपि

वेत्ति = जानाति

सर्वथा = सर्वप्रकारेण

वर्तमानः अपि = विद्यमानः अपि

भूयः = पुनः

न अभिजायते = न उत्पद्यते ।

यः पुरुषः पूर्वोक्तप्रकारेण क्रमेण गुणान्, जीवम्, प्रकृतिं च जानाति सः देहे सम्प्रति विद्यमानोऽपि पुनः जन्म न प्राप्नोति ।

गोपिताः वर्गाः: