विकिपीडिया:होट्कैट्-उपकरणम्

होट्कैट् (आङ्ग्ल: HotCat) इत्येतत् कश्चित् जावालिपिलिखिततन्त्रांशः अस्ति। अनेन विकिपीडियाप्रयोक्तारः सरलतया पृष्ठेषु वर्गान् योजयितुं, निष्कासयितुम् अथवा परिवर्तयितुं शक्नुवन्ति। अस्मिन् एका उपक्षेपसूची आगच्छति, येन विद्यमानानां वर्गानां ज्ञानं भवति ते च लेखनसमये स्वतःपूर्तिं गच्छन्ति।

होट्कैट् इत्येतत् प्रयुज्यमानम्। अत्र आगामिशब्दस्य पूर्वानुमाने यत्नं करोति।

कथं प्रयोजनीयम्

यदाऽपि पृष्ठं अवारोप्यते, होट्कैट्-उपकरणं तु वर्गपट्टिकाम् अन्विष्यति। यदि दृश्याः वर्गाः विद्यन्ते, इदमुपकरणं तत्र तेषां निष्कासनाय, परिवर्तनाय, योजनाय च अनुबन्धान् योजयति:

नूतनाश्चानुबन्धाः एवं सन्ति :

• "(-)" वर्गस्य पश्चात् : यदा क्लिक्क्रियते वर्गस्तु स्वतः निष्कास्यते।
• "(±)" वर्गस्य पश्चात्: यदा क्लिक्क्रियते निवेशपिटकं एतं वर्गं परिवर्तयतु इत्युद्घाट्यते।
• "(+)" वर्गसूच्याः पश्चात्: यदा क्लिक्क्रियते निवेशपिटकं वर्गः योज्यताम् इत्युद्घाट्यते।
• "(+⁺)" अग्रे : यदा क्लिक्क्रियते, बहुपरिवर्तनीयावस्थां गच्छति, येन एकाधिकान् वर्गान् परिवर्तयितुं शक्यते।