सहस्रयुगपर्यन्तम्...
श्लोकः
[सम्पादयतु]
- सहस्रयुगपर्यन्तमहर्यद् ब्रह्मणो विदुः ।
- रात्रिं युगसहस्रान्तां तेऽहोरात्रविदो जनाः ॥ १७ ॥
अयं भगवद्गीतायाः अष्टमोऽध्यायस्य अक्षरब्रह्मयोगस्य सप्तदशः (१७) श्लोकः ।
पदच्छेदः
[सम्पादयतु]सहस्रयुगपर्यन्तम् अहः यत् ब्रह्मणः विदुः रात्रिं युगसहस्रान्तां ते अहोरात्रविदः जनाः ॥ १७ ॥
अन्वयः
[सम्पादयतु]ब्रह्मणः यत् अहः सहस्रयुगपर्यन्तं ये विदुः ते अहोरात्रविदः जनाः रात्रिं युगसहस्रान्तां विदुः ।
शब्दार्थः
[सम्पादयतु]- ब्रह्मणः = प्रजापतेः
- अहः = दिनम्
- सहस्रयुगपर्यन्तम् = युगसहस्रावधिकम्
- ये विदुः = ये जानन्ति
- ते अहोरात्रविदः = ते कालज्ञाः
- जनाः = मानवाः
- रात्रिम् = निशाम्
- युगसहस्रान्ताम् = युगसहस्रावधिकीम्
- विदुः = जानन्ति ।
अर्थः
[सम्पादयतु]कालज्ञाः जनाः प्रजापतेः दिनं युगसहस्रमिति वदन्ति, तथा रात्रिं युगसहस्रम् । तस्मात् ब्रह्मलोकादयः क्षणिकाः ।