सात्यकिः

विकिपीडिया, कश्चन स्वतन्त्रः विश्वकोशः
Jump to navigation Jump to search


पराक्रमी यादववीर:।आजीवनं स कृष्णस्य अर्जुनस्य च साहाय्ये सिद्ध: आसीत्।राजसूययज्ञे स: कृष्णेन सह आसीत्।स: सततं राज्यलाभार्थं सङ्घर्षं कर्तुं पाण्डवान् प्रेरयति स्म।कुरुक्षेत्रे सप्तसु महावीरेषु अयम् अन्यतम:।अष्टादश दिवसान् अपि अयं रणे आसीत्। युद्धे तस्य अविरतं सर्वत्र सञ्चार: आसीत्।युद्धे एकस्मिन् दिने सात्यकि: श्रान्त:।श्रान्तं तं कौरववीर: भूरिश्रवा: रथाद् अध: पातयामास।सात्यकिं केशेषु धृत्वा भूरिश्रवा: तस्य शिरच्छेदार्थं खड्गम् उत्थापितवान्।तावद् अर्जुन: तत्र प्राप्त:।तेन सत्वरं भूरिश्रवस: हस्त: सखड्ग: छेदित:।अधर्म्यम् एतद् इति मत्त्वा भूरिश्रवा: शस्त्रसंन्यासम् अकरोत्।नि:शस्त्र: स: स्वरथे तूष्णीम् उपाविशत्। तावत् सात्यकि: तस्य रथम् आरूढ:।खड्गेन स: नि:शस्त्रस्य भूरिश्रवस: शिर: कर्तितवान्।बहो: कालात् पूर्वं भूरिश्रवस: पिता सात्यके: पितामहस्य मस्तके पादप्रहारं कृतवान्।तस्य प्रतिशोध: आसीद् एष:।युद्धस्य अन्ते अश्वत्थामा कपटेन रात्रौ पाण्डवानां शिबिरं ज्वालितवान्।द्रष्टा श्रीकृष्ण: तत: पूर्वमेव सर्वान् पाण्डवान् तथा सात्यकिमपि शिबिराद् दूरं नीतवान्। सात्यकि: तदा अपि रक्षित:।गीतायां तस्य वर्णनं कृतं – ‘सात्यकिश्चापराजित:’ तद् अत्र स्मर्यते।महाभारतयुद्धानन्तरं सात्यकि: द्वारकां प्रतिनिवृत्त:।तत्र स: शान्तिपूर्णां कालक्रमणां कृतवान्।एकवारं प्रभासतीर्थे यादवा: अतिमद्यपानेन उन्मत्ता:।तेषां परस्परं महान् सङ्घर्ष: जात:। तत्र सात्यकि: हत:। ‎

सम्बद्धाः लेखाः[सम्पादयतु]

"https://sa.wikipedia.org/w/index.php?title=सात्यकिः&oldid=409819" इत्यस्माद् पुनः प्राप्तिः