कथं विद्यामहं योगिन्...
(१०.१७ कथं विद्यामहं.... इत्यस्मात् पुनर्निर्दिष्टम्)
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- कथं विद्यामहं योगिंस्त्वां सदा परिचिन्तयन् ।
- केषु केषु च भावेषु चिन्त्योऽसि भगवन्मया ॥ १७ ॥
अयं भगवद्गीतायाः दशमोऽध्यायस्य विभूतियोगस्य सप्तदशः(१७) श्लोकः ।
पदच्छेदः
[सम्पादयतु]कथं विद्याम् अहं योगिन् त्वां सदा परिचिन्तयन् केषु केषु च भावेषु चिन्त्यः असि भगवन् मया ॥ १७ ॥
अन्वयः
[सम्पादयतु]योगिन् ! अहं सदा त्वां परिचिन्तयन् कथं विद्याम् ? भगवन् ! मया केषु केषु च भावेषु चिन्त्यः असि।
शब्दार्थः
[सम्पादयतु]- योगिन् = योगिवर !
- अहं सदा = अहं सततम्
- त्वां परिचिन्तयन् = त्वां ध्यायन्
- कथम् = केन प्रकारेण
- विद्याम् = विजानीयाम्
- भगवन् = पूजार्ह !
- मया केषु केषु च = मया केषु केषु च
- भावेषु = वस्तुषु
- चिन्त्यः असि = ध्यातव्यः असि ।
अर्थः
[सम्पादयतु]योगिवर ! अहं सततं त्वां ध्यायन् केन प्रकारेण विज्ञातुं शक्नुयाम् ? हे पूजार्ह ! मया केषु केषु पदार्थेषु त्वं ध्यातव्यः भवसि ?