दिवि सूर्यसहस्रस्य...

विकिपीडिया, कश्चन स्वतन्त्रः विश्वकोशः

(११.१२ दिवि सूर्यसहस्रस्य... इत्यस्मात् पुनर्निर्दिष्टम्)

श्लोकः

अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन अयं लेखः संवर्ध्यताम् । (जनुवरि २०१४)

दिवि सूर्यसहस्रस्य भवेद्युगपदुत्थिता ।

यदि भाः सदृशी सा स्यात्भासस्तस्य महात्मनः ॥ १२ ॥

अयं भगवद्गीतायाः एकादशोऽध्यायस्य विश्वरूपदर्शनयोगस्य द्वादशः(१२) श्लोकः ।

दिवि सूर्यसहस्रस्य भवेत् युगपत् उत्थिता यदि भाः सदृशी सा स्यात् भासः तस्य महात्मनः ॥ १२ ॥

यदि दिवि सूर्यसहस्रस्य भाः युगपत् उत्थिता भवेत् सा महात्मनः तस्य भासः सदृशी स्यात् ।

यदि = चेत्

दिवि = आकाशे

सूर्यसहस्रस्य = आदित्यसहस्रस्य

भाः = कान्तिः

युगपत्= सद्यः

उत्थिता भवेत् = उद्गता स्यात्

सा = कान्तिः

महात्मनः = महानुभावस्य

तस्य = नारायणस्य

भासः = कान्तेः

सदृशी = तुल्या

स्यात् = भवेत् ।

आकाशे यदि युगपदेव सहस्रं सूर्याः उत्थिताः स्युः तर्हि तेषां या कान्तिः स्यात् सा कान्तिः महानुभावस्य तस्य नारायणस्य कान्तेः तुल्या भवेत् ।

गोपिताः वर्गाः: