बीजं मां सर्वभूतानां...
(७.१० बीजं मां सर्वभूं... इत्यस्मात् पुनर्निर्दिष्टम्)
श्लोकः
[सम्पादयतु]
- बीजं मां सर्वभूतानां विद्धि पार्थ सनातनम् ।
- बुद्धिर्बुद्धिमतामस्मि तेजस्तेजस्विनामहम् ॥ १० ॥
अयं भगवद्गीतायाः सप्तमोध्यायस्य ज्ञानविज्ञानयोगस्य दशमः(१०) श्लोकः ।
पदच्छेदः
[सम्पादयतु]बीजं मां सर्वभूतानां विद्धि पार्थ सनातनम् बुद्धिः बुद्धिमताम् अस्मि तेजः तेजस्विनाम् अहम् ॥ १० ॥
अन्वयः
[सम्पादयतु]पार्थ ! सर्वभूतानां सनातनं बीजं मां विद्धि । बुद्धिमतां बुद्धिः तेजस्विनां तेजः अहम् अस्मि ।
शब्दार्थः
[सम्पादयतु]- पार्थ = अर्जुन !
- सर्वभूतानाम् = सकलप्राणिनाम्
- सनातनम् = चिरन्तनम्
- बीजम् = प्ररोहकारणम्
- मां विद्धि = मां जानीहि
- बुद्धिमताम् = धीमताम्
- बुद्धिः = धीः
- तेजस्विनाम् = प्रगल्भानाम्
- तेजः = प्रागल्भ्यम्
- अहम् अस्मि = अहं भवामि ।
अर्थः
[सम्पादयतु]पार्थ ! सकलभूतानां चिरन्तनं बीजं मां जानीहि । अहं धीमतां धीः अस्मि तेजस्विनां तेजः च ।