मत्तः परतरं नान्यत्...

विकिपीडिया, कश्चन स्वतन्त्रः विश्वकोशः

(७.७ मत्तः परतरं नान्यत् ... इत्यस्मात् पुनर्निर्दिष्टम्)

श्लोकः[सम्पादयतु]

मत्तः परतरं नान्यत्किञ्चिदस्ति धनञ्जय ।

मयि सर्वमिदं प्रोतं सूत्रे मणिगणा इव ॥ ७ ॥

अयं भगवद्गीतायाः सप्तमोध्यायस्य ज्ञानविज्ञानयोगस्य सप्तमः(७) श्लोकः ।

मत्तः परतरं नान्यत् किञ्चित् अस्ति धनञ्जय मयि सर्वम् इदं प्रोतं सूत्रे मणिगणाः इव ॥ ७ ॥

धनञ्जय ! मत्तः अन्यत् किञ्चित् परतरं नास्ति । इदं सर्वं सूत्रे मणिगणाः इव मयि प्रोतम् ।

धनञ्जय = अर्जुन !

मत्तः = परमेश्वरात्

परतरम् = उत्कृष्टतरम्

किञ्चित् = किमपि

अन्यत् = इतरत् वस्तु

न अस्ति = न विद्यते

इदम् = एतत्

सर्वम् = सकलम्

सूत्रे = तन्तौ

मणिगणाः इव = मणिसमूहाः इव

मयि = परमेश्वरे

प्रोतम् = योजितम् ।

धनञ्जय ! मदपेक्षया अन्यत् वस्तु किमपि उत्कृष्टतरं नास्ति । एतत् सर्वं तन्तौ मणिसमूहाः इव मयि योजितम् ।

गोपिताः वर्गाः: