यजन्ते सात्त्विका देवान्...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- यजन्ते सात्त्विका देवान्यक्षरक्षांसि राजसाः ।
- प्रेतान्भूतगणांश्चान्ये यजन्ते तामसा जनाः ॥ ४ ॥
अयं भगवद्गीतायाः सप्तदशोध्यायस्य श्रद्धात्रयविभागयोगस्य चतुर्थः(४) श्लोकः ।
पदच्छेदः
[सम्पादयतु]यजन्ते सात्त्विकाः देवान् यक्षरक्षांसि राजसाः प्रेतान् भूतगणान् च अन्ये यजन्ते तामसाः जनाः ॥
अन्वयः
[सम्पादयतु]सात्त्विकाः देवान् यजन्ते, राजसाः यक्षरक्षांसि, अन्ये तामसाः जनाः प्रेतान् भूतगणान् च यजन्ते ।
शब्दार्थः
[सम्पादयतु]- देवान् = अमरान्
- यजन्ते = पूजयन्ति
- यक्षरक्षांसि = यक्षराक्षसान्
- भूतगणान् = भूतसमुदायान् ।
अर्थः
[सम्पादयतु]तत्र येषु सत्त्वं वर्तते ते देवान् पूजयन्ति । येषु रजः ते यक्षान् राक्षसान् च पूजयन्ति । येषु पुनः तमः ते प्रेतान् भूतान् च पूजयन्ति ।