मुख्यपृष्ठम्

अधि विकिपीडिया, एकः स्वतन्त्रविश्वविज्ञानकोश

(मुखपृष्ठं इत्यस्मात् पुनर्निर्दिष्टम्)

संस्कृतविकिपीडियायां सम्प्रति ७,३१४ लेखाः सन्ति।

संस्कृतविकिपीडिया संस्कृतभाषायां विद्यमानः स्वतन्त्रसर्वविज्ञानकोशः। विकिपीडिया सर्वविज्ञानकोशोयं बह्वीषु भाषासु उपलभ्यते। अस्य सम्पादनं भवद्भिः स्वयमेव कर्तुं शक्यते। सम्पादनविषये साहाय्यार्थं 'लेखसाहाय्यम्' पश्यन्तु। टङ्कनार्थं 'टङ्कनसाहाय्यम्' पश्यन्तु। एतावता ७,३१४ लेखाः लिखिताः सन्ति।

संस्कृतविकिपीडियादूतावासः २०१२ फ़ेब्रुवरि ३

प्रमुखः लेखः

सन्ति बहवो भारतस्य वरपुत्राः येषु अविस्मरणीयः स्वामी विवेकानन्दः। सः विश्वधर्मसम्मेलने भारतीयसंस्कृतेः उपादेयतां श्रेष्ठतां च प्रादर्शयत्। बङ्गप्रान्तस्य कोलकातानगरे त्रिषष्ठ्यधिकाष्टादशशततमे (१८६३) वर्षे जनवरी मासस्य द्वादशे दिने एतस्य जन्म अभवत्। तस्य पिता श्री विश्वनाथदत्तमहोदय:। पूर्वं तस्य नाम नरेन्द्रनाथदत्तः इति आसीत्। एषः उत्साही, हास्यप्रियः, करुणापरः च आसीत्। नरेन्द्रः बाल्ये कपीन्, मयूरान्, कपोतान् च पालयति स्म। एषः पितुः हयान् अपि रक्षति स्म। अध्ययनपटुरयं नरेन्द्रः शास्त्रीयसङ्गीतस्य अभ्यासं करोति स्म। प्रतिदिनं व्यायामं करोति स्म। ध्यानसिद्धः अयं भ्रूमध्ये ज्योतिरेकं पश्यति स्म। ....

(अधिकं पठतु...)

वार्ताः

मध्यप्रदेशे बुन्देलखण्डाञ्चले प्रतिवर्षं आयोज्यमानो विश्वविख्यातः खजुराहोनृत्यमहोत्सवः फ़ॆब्रुवरी १ तमे दिनाङ्के आरभते। सप्ताहावधिकेऽस्मिन् महोत्सवे कथक-कथाकेळी-भरतनाट्य-ऒडीशी-मणिपुरी-कुचिपुडीति भारतीयशास्त्रीयनृत्यप्रस्तुतयो दर्शयिष्यन्ते।
जनुवरी २८ तमे दिनाङ्के (माघमासस्य शुक्ल्पक्षे पञ्चम्यां) भारतदेशे वसन्तपञ्चमी आचर्यते । विविधेषु स्थलेषु, देवालयेषु च पारम्परिकरीत्या सरस्वतीपूजनं भवति।
ओस्ट्रेलिया ओपन् टेन्नीस् स्पर्धायां भारतस्य लियाण्डर्‌ पेसस्य चेक्‌महाराज्यस्य राडेक्‌ स्टेपानेकस्य च युगलेन पुरुषवर्गस्य प्रतिस्पर्धा विजीता।
जनुवरिमासस्य २६ दिनाङ्के भारतदेशे सर्वत्र ६३तमं जनराज्यदिनम् आचरितम् ।
केरळस्य राज्यपालः एम्.ओ.ऐच्. फ़ारूक् वृक्कावरोधकारणात् जनुवरिमासस्य २६ तमे दिनाङ्के दिवङ्गतः।
सुप्रसिद्धः मलयाळप्रभाषकः, पण्डितः, परिस्थितिप्रवर्तकः, मलयाळसाहित्यकारश्च सुकुमार् अऴीक्कोड् (८३) (चित्रे..) जनुवरीमासस्य २४ तमे दिनाङ्के प्रातः ३:४५ वादने श्रीशिवपुरस्य (तृश्शूर्) अमला आतुरालये दिवङ्गतः।

अधिकं पठत ....

ज्ञायते किं भवता ?

अष्टादश पुराणानि -

म-द्वयं भ-द्वयं चैव ब्र-त्रयं व-चतुष्टयम् ।

अ-ना-प-लि-ङ्ग-कू-स्कानि पुराणानि प्रचक्षते ॥

सुभाषितम्

पिबन्ति नद्य: स्वयमेव नाम्भ:
स्वयं न खादन्ति फलानि वृक्षा: ।
नादन्ति सस्यं खलु वारिवाहा:
परोपकाराय सतां विभूतय: ॥

सु.भा. - सज्जनप्रशंसा (५१/१७०)

नदीषु जलं भवति । परन्तु नद्य: स्वयमेव तत् जलं कदापि न पिबन्ति । वृक्षेषु फलानि भवन्ति । ते वृक्षा: अपि स्वयमेव तानि फलानि कदापि न खादन्ति । जलवर्षणेन सस्यानि यथा सम्यक् प्रवृद्धानि भवेयु: तथा कुर्वन्ति मेघा: । परन्तु ते स्वेन वर्धितानि सस्यानि स्वयमेव न खादन्ति । एवमेव सज्जना: स्वसमीपे विद्यमानानां सम्पत्तीनाम् उपयोगं स्वयं न कुर्वन्ति । अपि तु परोपकारार्थमेव तासां विनियोगं कुर्वन्ति ।

प्रमुखं चित्रम्

केरवृक्षः एकं बहुवर्षीयं सस्यम् अस्ति । नालिकेरवृक्षः, नारिकेलवृक्षः इति अस्य नामान्तरम् । अस्य सर्वाणि अपि अङ्गानि उपयोगाय भवन्ति । एतेन कारणेन केरवृक्षः कल्पवृक्षः इति प्रसिद्धः । केरवृक्षे शाखाविशाखाः न भवन्ति । अस्य पत्रावली दीर्घा भवति । दीर्घे दण्डे कृषाणि पत्राणि समान्तरेण संलग्नानि भवन्ति । अयं वृक्षः समुद्रतीरेषु अथवा लावण्यक्षेत्रेषु सम्यक् प्ररोहति । अस्य फलस्य नाम नालिकेरम् इति । भारते सर्वेषु धार्मिकविधिषु पूर्णफलरूपेण नालिकेरफलम् उपयुज्यते । नालिकेरतैलं भारते प्रायः सर्वत्र उपयुज्यते ।