पेरम्बलूरुमण्डलम्
पेरम्बलूर् मण्डलम् பெரம்பலூர் மாவட்டம் | |
|---|---|
|
मण्डलम् | |
 Bramma Rishi Hill | |
| देशः |
 India |
| State | तमिऴ्नाडु |
| केन्द्रम् | पेरम्बलूर् |
| Government | |
| • Collector & District Magistrate | डा॥ दारेज़् अहमद्, IAS]] |
| Area | |
| • Total | १,७५२ km२ |
| Population (2011)[१] | |
| • Total | ५,६४,५११ |
| • Density | ३२०/km२ |
| भाषाः | |
| • Official | तमिळ् |
| Time zone | UTC+5:30 (IST) |
| पत्राचार सङ्केतसंख्या(PIN) |
621220 |
| दूरवाणी सम्पर्क संख्या | 04328 |
| Vehicle registration | TN-46[२] |
| Human sex ratio | 0.993 पुरुषः/स्त्री |
| साक्षरत्ताप्रमाणम् | 65.88% |
| भारतस्य वातावरणम् | Climatic regions of India |
| Website | perambalur.nic.in |
पेरम्बलूरुमण्डलं (Perambalur District) (तमिऴ्: பெரம்பலூர் மாவட்டம்) भारतस्य तमिऴ्नाडुराज्यस्य मण्डलेषु अन्यतमम् । अस्य केन्द्रस्थानं पेरम्बलूरुपत्तनम् । इदं मण्डलं तमिऴ्नाडुराज्यस्य मध्यभागे विद्यमानं, सर्वासु दिशासु भूमिभागेन आवृतं च । इदं मण्डलं १९९५ तमवर्षस्य नवेम्बर्मासस्य प्रथमदिनाङ्के तिरुचिराप्पळ्ळिमण्डलात् विभक्तम् । अस्य मण्डलस्य जनसंख्या राज्ये न्यूनतमम् ।
भौगोलिकम्
[सम्पादयतु]पेरम्बलूरुमण्डलस्य विस्तारः १७५२ चतुरश्रकिलोमीटर् । अस्य उत्तरभागे कडलूरुमण्डलम्, दक्षिणे तिरुचिराप्पळ्ळिमण्डलम्, पूर्वदिशे तञ्जावूरुमण्डलम्, पश्चिमे नामक्कलमण्डलं तथा तिरुचिराप्पळ्ळिमण्डलम् अस्ति । इदं मण्डलं दक्षिणसमभूमौ अस्ति । अत्रत्यः वायुगुणः सामिशुष्कः । मृत्तिका प्रायेण रक्तमृत्तिका कृष्णमृत्तिका च । मण्डले वार्षिकवृष्टिप्रमाणं ९०८ मिल्लीमीटर् । कावेरीनदी अस्य मण्डलस्य प्रमुखा नदी । तथापि ६८% कृषिः कूपाधारेण एव प्रचलति ।
जनसंख्या
[सम्पादयतु]२०११ जनगणनानुगुणं पेरम्बलूरुमण्डलस्य जनसंख्या ५६४,५११ । भारतस्य ६४० मण्डलेषु जनसंख्यादृष्ट्या अस्य मण्डलस्य ५३६ तमं स्थानम् । अत्र जनसान्द्रता प्रतिचतुरश्रकिलोमीटर् ३२३ (८४० प्रतिचतुरश्रमैल्) । २००१-२०११ दशके जनसंख्यावृद्धिः १४.३६% आसीत् । पेरम्बलूरुमण्डले पुं, स्त्री अनुपातः १०००:१००६, साक्षरताप्रमाणं च ७४.६८% अस्ति ।
उपमण्डलानि
[सम्पादयतु]पेरम्बलूरुमण्डले त्रीणि उपमण्डलानि सन्ति। तानि-
- पेरम्बलूरुः
- कुन्नम्
- वेप्पन्तट्टै
कृषिः वाणिज्यं च
[सम्पादयतु]सम्प्रति, पेरम्बलूरुमण्डलं तमिऴ्नाडुराज्ये मैज़्धारन्यस्य, पलाण्डोः च उत्पादने प्रथमस्थाने अस्ति । राज्यस्य २७% मैज़्धान्यम्, ५०% पलाण्डुः च अस्मिन् मण्डले उत्पाद्यते । पेरम्बलूरुमण्डले ५००० एकर् विस्तृतस्य विशेषार्थिकवलयस्य (Special Economic Zone) स्थापनं भवेत् इति योजना अस्ति । अस्य विशेषार्थिकवलयस्य कडलूरु, पुदुच्चेरी, चेन्नैनगराणां नौकास्थानकैः, रैलमार्गेण, तिरुच्चीविमानस्थानकेन च सम्पर्कः भविष्यति । अनेन तन्त्रज्ञानोद्यमानाम्, जैविकतन्त्रज्ञानोद्यमानां, औषधीयोद्यमानां, वस्त्रोत्पादनोद्यमानां च एतत् मण्डलं प्रति आगमनं भवेत् इति निरीक्षा अस्ति ।
वीक्षणीयस्थलानि
[सम्पादयतु]सिरुवच्चूरु मथुराकालियम्मदेवालयः, अयं देवालयः पेरम्बलूरु उपमण्डलस्य सिरुवच्चूरुग्रामे अस्ति । अत्रत्या आराध्यदेवता मथुरा कालियम्मन् । कालीदेव्याः अवतारेषु इदम् अन्यतमम् । प्रतिसप्ताहं सोमवासरे, शुक्रवासरे च अत्र पूजा भवति । पङ्गुनीमासस्य (मीनमासस्य) अन्तिमदिने अत्र वार्षिकः उत्सवः समारभ्यते, चित्तिरै (चैत्र)मासस्य प्रथमदिने रथोत्सवः च भवति ।
चेट्टिकुळं देवालयः
[सम्पादयतु]पेरम्बलूरुतः २२ किलोमीटर् दूरे चेट्टिकुळं ग्रामे पुरातनः अरुळमिगु एकाम्बरेश्वरदेवालयः, दण्डायुधपाणिदेवालयः च अस्ति । एतौ देवालयौ ५०० वर्षेभ्यः प्राक् कुलशेखरपाण्ड्येन निर्मितौ इति श्रूयते । चेट्टिकुळं ग्रामात् बहिः शिलायाः उपरि बालदण्डायुधपाणिमन्दिरम् अपि अस्ति । इदं चोळराजैः निर्मितं प्राचीनं मन्दिरम् । मन्दिरस्य ऐतिह्यं वर्णयन्ति शिलाशासनानि अपि अत्र सन्ति ।
रञ्जनकुडिदुर्गः
[सम्पादयतु]अयं दुर्गः पेरम्बलूरुतः १७ किलोमीटर् उत्तरे अस्ति । सप्तदशशतके कर्णाटकनवाबानां प्रशासनकाले कश्चन जागीरदारः एनं दुर्गं निर्मितवान् । अस्य दुर्गस्य अन्तः राजभवनं, गृहाणि, भूमिगतागाराः, इस्लामदेवालयः च अस्ति ।
बाह्यसंपर्कतंतुः
[सम्पादयतु]- ↑ "2011 वर्षस्य भारतस्य जनगणनम्" (Excel). भारतीय सर्वकारः. 16 April 2011.
- ↑ www.tn.gov.in
|
सेलम् मण्डलम् | विळुप्पुरम् मण्डलम् | कडलूर् मण्डलम् |
|
|
अरियलूर् मण्डलम् | |||
 पेरम्बलूर् मण्डलम् 
| ||||
| ||||
| तिरुचिरापळ्ळि मण्डलम् |