एतान्न हन्तुमिच्छामि...
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- एतान्न हन्तुमिच्छामि घ्नतोऽपि मधुसूदन ।
- अपि त्रैलोक्यराज्यस्य हेतोः किं नु महीकृते ॥ ३५ ॥
अयं भगवद्गीतायाः प्रथमोध्यायस्य अर्जुनविषादयोगस्य पञ्चत्रिंशत्तमः(३५) श्लोकः ।
पदच्छेदः
[सम्पादयतु]एतान्, न, हन्तुम्, इच्छामि, घ्नतः, अपि, मधुसूदन । अपि, त्रैलोक्यराज्यस्य, हेतोः, किम्,नु, महीकृते ॥
अन्वयः
[सम्पादयतु]मधुसूदन ! त्रैलोक्यराज्यस्य हेतोः घ्नतः अपि एतान् हन्तुं न इच्छामि । किं नु महीकृते ?
शब्दार्थः
[सम्पादयतु]- मधुसूदन = हे कृष्ण !
- त्रैलोक्यराज्यस्य = त्रिलोकाधिपत्यस्य
- हेतोः अपि = हेतोः अपि
- घ्नतः अपि = हन्तॄन् अपि
- एतान् = इमान्
- हन्तुम् = नाशयितुम्
- न इच्छामि = नहि वाञ्छामि
- किं नु = किं पुनः,
- महीकृते = भूमिप्राप्तये ।
अर्थः
[सम्पादयतु]हे कृष्ण ! यदि ते मां मारयन्ति मारयन्तु कामम् । तैः मार्यमाणोऽपि नाहं तान् मारयितुम् इच्छामि । ननु भोः ! त्रैलोक्यराज्यं तव सिद्ध्यति - तथापि नाहं मारयितुम् इच्छामि । एवं स्थिते केवलायाःअस्याः भूमेः प्राप्तये किमहं मारयामि ?
बाह्यसम्पर्कतन्तुः
[सम्पादयतु]http://www.gitasupersite.iitk.ac.in/