यदि मामप्रतीकारम्...
(१.४६ यदि मामप्र… इत्यस्मात् पुनर्निर्दिष्टम्)
श्लोकः
[सम्पादयतु] | अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- यदि मामप्रतीकारमशस्त्रं शस्त्रपाणयः ।
- धार्तराष्ट्रा रणे हन्युस्तन्मे क्षेमतरं भवेत् ॥ ४६ ॥
अयं भगवद्गीतायाः प्रथमोध्यायस्य अर्जुनविषादयोगस्य षड्चत्वारिंशत्तमः (४६) श्लोकः ।
पदच्छेदः
[सम्पादयतु]यदि, माम्, अप्रतीकारम्, अशस्त्रम्, शस्त्रपाणयः । धार्तराष्ट्राः, रणे, हन्युः, तत्, मे, क्षेमतरम्, भवेत् ॥
अन्वयः
[सम्पादयतु]यदि धार्तराष्ट्राः शस्त्रपाणयः अशस्त्रम् अप्रतीकारं मां रणे हन्युः तत् मे क्षेमतरं भवेत् ।
शब्दार्थः
[सम्पादयतु]- यदि = पक्षान्तरे
- शस्त्रपाणयः = आयुधधारिणः
- धार्तराष्ट्राः = धृतराष्ट्रपुत्राः
- अशस्त्रम् = आयुधरहितम्
- अप्रतीकारम् = प्रतिक्रियाशून्यम्
- माम् = माम्
- रणे = युद्धे
- हन्युः = नाशयेयुः
- तत् = तत्
- मे = मम
- क्षेमतरम् = शुभकरम्
- भवेत् = स्यात् ।
अर्थः
[सम्पादयतु]किञ्चिदपि प्रतीकारम् अकुर्वन्तम् अगृहीतशस्त्रं च मां गृहीतशस्त्राः एते कौरवाः यदि युद्धे मारयन्ति तर्हि तदेव मम क्षेमतरं भवति इति भावयामि ।
बाह्यसम्पर्कतन्तुः
[सम्पादयतु]http://www.gitasupersite.iitk.ac.in